"Бёрнли" ва "Ковентри" "Филадельфия Юнион" ҳимоячиси Кай Вагнерни сотиб олмоқчи. Шунингдек, "Аталанта" ва "Парма" клублари футболчига алоҳида қизиқиш билдиришган ва Америка клубига сўров юборишган. Вагнернинг шартномасида уни қишда 2 миллион еврога сотиб олиш имконини берувчи банд бор.
27 ёшли чап қанот ҳимоячиси 2019 йилнинг февралидан бери "Филадельфия Юнион" жамоасида ўйнамоқда. Унинг шартномаси 2026 йилнинг декабригача амал қилади.
Жорий мавсумда Вагнер 41 та ўйин ўтказиб, 1 та гол урди, 11 та голга ассистентлик қилди ва 10 та сариқ карточка олди. Transfermarkt портали немис футболчисини 5 миллион еврога баҳоламоқда.
