"Бавария" ва Германия терма жамоасининг собиқ футболчиси Дитмар Хаманн Англия терма жамоаси мюнхенлик ҳужумчи Харри Кейнсиз яхшироқ бўларди, деган фикрни билдирди.

"Эҳтимол, Англия Кейнсиз яхшироқ ёки хавфлироқ бўлар эди. Аммо Кейннинг Мюнхенга келишида Тухель муҳим рол ўйнади. "Бавария" Суперкубокда, мавсумнинг илк ўйини ўйнаганида, ўйиндан бир кун олдин Кейн билан шартнома имзоланган ва у ўйинни захира ўриндиғида бошлаганини эслайман. У 70-дақиқада "Бавария" 0:2 ҳисобида мағлуб бўлаётган вақтда майдонга тушди. Натижада учрашув 0:3 ҳисобида якунланди.

Ўйиндан сўнг Тухель жамоанинг ёмонлиги учун Кейндан деярли узр сўради, бу менга жуда ғалати туюлди. Ахир Кейн 20 дақиқа майдонга тушган ёки умуман ўйнамаган бўлса ҳам, ҳамма каби жамоанинг бир қисми бўлиб қолаверади", - дея Хаманннинг сўзларини келтиради Goal.

Тухель 2025 йилдан бошлаб Англия терма жамоаси билан ишлашни бошлайди.