"Барселона" ярим ҳимоячиси Френки де Йонг "Мальорка"га (5:1) қарши ўйиндан сўнг журналистлар саволларига жавоб берди.
27 ёшли футболчи 72-дақиқада захирадан майдонга тушди ва гол ва голли узатмани амалга ошира олди.
"Менинг жамоадаги ролим? Мен сабрли бўлишим ва вазиятни тушунишим керак. Яхшиланиш учун кўп меҳнат қилишда давом этаман. Келинг, ишлар қандай кетаётганини кўрамиз.
Биз ғалабали йўлга қайтганимиздан хурсандмиз. Айниқса, охирги натижаларимизни ҳисобга олсак, ғалаба қозониш биз учун муҳим эди. Гол уриш ҳар доим ёқимли", - дея Френки де Йонг сўзларини келтиради Barca Universal.
