Англиянинг "Манчестер Сити" футбол клуби бош мураббийи Хосеп Гвардиола "Ноттингем Форест" бош мураббийи Нуну Эшпириту Сантунинг мақтовлари ҳақида фикр билдирди.
"Мен буни қадрлайман, катта раҳмат. Лекин бу дунёнинг қандай эканлигини ва қандай ишлашини биламан. Бироқ, сизга ва Нунуга раҳмат, мен буни қадрлайман ва унга нисбатан ҳам худди шундай фикрдаман.
Мен фаолиятимиз давомида кўплаб ўйинчилар, кўплаб клублар билан бирга нималарга эришганимизни биламан. Лекин мен буни уддалай оламан. Эртага нима бўлиши ҳақида ўзимни янада ишончлироқ ҳис қиляпман," - дея Гвардиоланинг сўзларини келтирмоқда Sky Sports.
Ҳозирги вақтда "Манчестер Сити" Англия Премьер-лигасида бешинчи ўринни эгаллаб турибди. Гвардиола жамоаси 13 та ўйинда 23 очко тўплаган.
