"Манчестер Сити" мураббийи Хосеп Гвардиола бельгиялик ярим ҳимоячи Кевин де Брюйне билан юзага келиши мумкин бўлган можаро ҳақидаги хабарга изоҳ берди.
"Кимдир менинг де Брюйне билан келишмовчилигим борлигини айтди. Улар ҳақиқатан ҳам мен усиз ўйнашни ёқтираман деб ҳисоблайдими? Албатта, майдоннинг сўнгги учдан бир қисмида энг яхши ўйин кўрсаткичларига эга бўлган футболчи менга нима учун керак? Ҳа, у менга керак эмас. Тўққиз йил бирга бўлганимиздан кейин муаммоларимиз бор", - деди испаниялик мураббий The Times газетасига берган интервьюсида киноя билан.
