Кевин Де Брюйне гол урган баҳсда "Манчестер Сити" кетма-кет 39 ўйинда мағлуб бўлмади.
Бугун ярим ҳимоячи АПЛнинг 14-туридан ўрин олган "Ноттингем Форест"га қарши ўйинда (3:0) гол урди. Бунгача Пеп Гвардиола шогирдлари қаторасига 7 та ўйинда ғалаба қозона олмаганди.
"Манчестер Сити" Де Брюйне гол урган сўнгги 39 та расмий ўйиннинг биттасида ҳам мағлуб бўлмаган. Уларда "шаҳарликлар" 35 та ғалаба ва 4 та дурангга эга.
Бельгиялик гол урган ўйиндаги сўнгги мағлубият 2020 йилнинг 15 августида юз берган. Ўшанда "Сити" Чемпионлар лигасининг чорак финалида "Лион"га (1:3) мағлуб бўлганди.
