Дуглас Луис "Ювентус"да қолиб, жамоадаги ўз ўрни учун курашмоқчи.
Аввалроқ, ёзда “Астон Вилла”дан 50 миллион еврога сотиб олинган 26 ёшли бразилиялик футболчи клубдан норози эканини билдирганди. Январда клубни тарк этиши мумкинлиги ҳақида маълумотлар пайдо бўлганди.
Calciomercato.com нашрларининг хабар беришича, ярим ҳимоячи қолмоқчи ва Тьяго Мотта бошчилигида жамоада жой учун курашмоқчи.
Қайд этилишича, Дуглас Луис энди жароҳат олган ва 7 декабрь куни А Сериянинг 15-тури доирасидаги "Болонья"га қарши ўйинда майдонга тушмайди.
Жорий мавсумда ярим ҳимоячи “Ювентус” сафида барча турнирларда 9 та ўйинда майдонга тушди ва бирорта ҳам гол ура олмади.
