Франциянинг «ПСЖ» Мадриднинг «Реал» клуби яримҳимоячиси Анхел Ди Мариянинг хизматларига қизиқиш билдирмоқда. Парижликлар футболчи учун 25 миллион евро беришга тайёр, деб ёзмоқда «Marca» нашри.
Олдинроқ тарқалган хабарларга кўра, «Реал» футболчини сотишга тайёрлигини маълум қилганди. Аргентиналик футболчини шунингдек, «Манчестер Юнайтед» клуби ҳам сотиб олиш ниятида.
Қўшимча қилиб ўтиш жоиз, «ПСЖ» «Реал»нинг яна икки нафар ҳимоячиси Пепе ва Фабиу Коэнтрауларга қизиқиш билдирмоқда. Пепега шунингдек, «Манчестер Сити» ҳам қизиқиш билдирган. «Шаҳарликлар» португалиялик футболчи учун 20 миллион евро беришга тайёр.