Москванинг ЦСКА клуби коммуникациялар бўйича директори Кирилл Брейдо ФИФА нима учун жамоага трансфер тақиқини ўрнатганини тушунтирди.
«Янгилик қуйидагича: ФИФА интизомий қўмитаси Эджуке ва «Херенвен» иши бўйича қарор доирасида ЦСКАга трансфер тақиқини қўйди. Биз бу қарорга тайёр эдик - адолат учун курашимизда кутилаётган оралиқ босқич ана шундай.
Шуни таъкидлаш керакки, қишки трансфер ойнаси бошланишига ҳали бир ярим ой бор ва биз ҳеч қачон «Херенвен» вакиллари билан мулоқотда бўлиб ва турли хил тўлов вариантларини таклиф қилиб, тўлашни рад этмаганмиз. Айнан шунинг учун «тақиқ» ҳақида қайғуришнинг ҳожати йўқ, у олиб ташланади ва бу борада муаммо ва зиддиятлар йўқ», - деб ёзди Брейдо ўзининг телеграм-каналида.
