"Вулверхэмптон" Гари O'Нил ўрнига жамоа бош мураббийи лавозимига муқобил вариант топди.
Журналист Маттео Мореттонинг хабарига кўра, "Вулверхэмптон" "Вест Бромвич"нинг 41 ёшли испаниялик мураббийи Карлос Корберанани клуб бош мураббийи лавозимига асосий номзод сифатида аниқлади.
Маълумки, "бўрилар" раҳбарияти Гари O'Нилнинг душанба куни "Вест Хэм"га қарши АПЛ 15-тур учрашувида мағлуб бўлса, уни истеъфога чиқариш имкониятини кўриб чиқмоқда.
"Вулверхэмптон" Англия чемпионатида 19-ўринни эгаллаб турибди, Премьер-лиганинг олдинги 14 учрашувида атиги 9 очко тўплаган. Гари O'Нил шогирдлари бор йўғи иккита ғалабага эриша олди.
