Мадриднинг "Реал" клубида марказий ҳимоячи Давид Алабанинг ўйин ҳолати борасида хавотирлар кучаймоқда.
32 ёшли футболчи қарийб бир йил олдин хоч боғламидан жароҳат олганди, у сафга қайтишга яқин турибди. Бироқ, Relevo хабарига кўра, австриялик футболчининг тайёргарлиги жиддий саволлар туғдирмоқда: "Реал Мадрид" Алабанинг аҳволидан жуда хавотирда - клуб футболчини ҳозирча юқори савияда ўйин кўрсата олмайди, деб ҳисобламоқда.
Давид Алабанинг майдонга қайтиши янги йил бошида режалаштирилган эди. Карло Анчелотти яқин ойларда тажрибали марказий ҳимоячига ишонадими ёки йўқми, буни кўриш керак.
