Ўтган ҳафтада "Ливерпуль" "Ньюкасл" билан 3:3 ҳисобида дуранг ўйнади.
Ўшанда "қизиллар" дарвозабони Каомхин Келлехер хатога йўл қўйди, бунинг натижасида "зағизғонлар" ҳисобни тенглаштиришга муваффақ бўлишди.
Жамоа бош мураббийи Арне Слот дарвозабон ҳақида фикр билдирди.
“Келлехер бизни очко йўқотишдан сақлаб қолди, дейиш мумкин, чунки ҳисоб 0:2 бўлганида қайтишимиз янада қийинроқ бўларди.
Агар сиз дарвозабон бўлсангиз, сизнинг хатонгизни кимдир тузатиши қийин. Келлехер бизга ёрдам берди.
Афсуски, биз унга ёрдам бера олмадик. У ҳам бошқалар каби очко йўқотганидан ҳафсаласи пир бўлди, лекин ҳаммаси жойида.
У эртанги ўйинга ишонч билан киришади", деди Слот журналистларга.
