Аргентина терма жамоаси собиқ бош мураббийи Диего Марадона тез-тез танқидий сўзлар билан матбуотда чиқиш қилиб туришидан хабарингиз бор. Бу сафар у "Бока Хуниорс" мураббийи Карлос Бьянки ва Рим папаси Франциск I`ни танқид остига олган.

"Мен ўзи бошидан Бьянкининг "Бока Хуниорс" бош мураббийи бўлишига қарши бўлганман. Ҳозир бу жамоа учрашувларини кузатиш мен учун оғир. Футболчилар ўйин давомида бир-бирларига кетма-кет тўрт марта бехато тўп узата олишса қарсак чалган бўлардим", дейди Марадона.

Футбол ишқибози бўлган католик черкови рахбари ҳақида ҳам сўз юритган Марадона уни "энг ёмонини танлаганликда" айблади, дея хабар бермоқда Жанубий Америка матбуоти.