Шанба куни «Вест Хэм» жамоаси ҳужумчиси Майкл Антонио йўл-транспорт ҳодисасига учрагани ҳақида хабар берди. «The Sun» нашрининг саҳифаларида воқеанинг баъзи тафсилотлари ошкор қилинган. Манбага кўра, Антонио бошқарувидаги «Ferrari» дарахтлар билан тўқнашиб кетган. Натижада футболчи машина ичида тиқилиб қолган - воқеа жойига етиб келган қутқарувчилар Майклни чиқариш учун тахминан 45 дақиқа вақт сарфлашган.
Антонио касалхонага вертолётда олиб кетилган. Футболчи ҳушида эди ва гапира оларди, бироқ у олиши мумкин бўлган жароҳатлар ҳақида ҳеч нарса хабар қилинмаган.
2024/2025 йилги мавсумнинг 15 та ўйинида Майкл Антонио битта гол урди ва битта голли узатмани амалга оширди.
