Мадриднинг "Реал" клуби марказий ҳимоячиси Хесус Вальехо қишки трансфер ойнасида жамоани тарк этиши мумкин.
"Лос-Бланкос" жароҳатлар туфайли ҳимояда жиддий кадрлар муаммоларини бошдан кечирмоқда, бироқ Вальехо бундай шароитда ҳам майдонга тушмаяпти. Estadio Deportivo хабарига кўра, "Реал Мадрид" 27 ёшли футболчи билан трансфер ойнаси очиладиган январь ойида хайрлашишга тайёр.
Катта эҳтимол билан бу мавсум Хесус Вальехо учун ҳар ҳолда мадридликлар сафидаги охиргиси бўлади - унинг шартномаси келаси ёзда тугайди.
Бутун жорий мавсум давомида испаниялик марказий ҳимоячи Карло Анчелотти жамоаси учун фақат битта ўйинда қатнашди ва 10 дақиқа ҳаракат қилди.
