"Челси" бош мураббийи Энцо Мареска ярим ҳимоячи Коул Палмернинг муваффақияти ҳақида фикр билдирди.
"Кўклар" етакчиси якшанба куни "Тоттенхэм"га қарши ўйинда дубль қайд этиб, 61 ва 84-дақиқаларда пенальтиларни голга айлантирди. Учрашув "Челси"нинг 4:3 ҳисобидаги ғалабаси билан якунланди.
"Мен Коулни анчадан бери биламан ва унга ҳамма нарсада тўлиқ ишонаман. Фантастик йигит. У катта ўйинларда ўйнашни ўрганади, рақиблар унга қарши алоҳида ҳимояланади. Бугун уни бутун ўйин давомида Ив Бисума қўриқлади.
Палмер яхшиланишда ва гол уришда давом этмоқда. Бу бизни ҳам, уни ҳам хурсанд қилади", - дея Энцо Мареска сўзларини келтиради BBC.
