"Реал" ҳужумчиси Килиан Мбаппе "ПСЖ"нинг Чемпионлар лигасидаги истиқболлари ҳақида фикр билдирди.

Француз етти йил давомида Париж гиганти шарафини ҳимоя қилган, аммо клубга тарихда биринчи марта энг нуфузли еврокубокни ютишига ҳеч қачон ёрдам бермаган. Ушбу ёзда ҳужумчи эркин агент сифатида "Реал"га ўтди.

"ПСЖ" Чемпионлар лигасида ғалаба қозонишини хоҳлайманми? Ҳозир, йўқ, чунки мен "Реал" билан ғалаба қозонишни хоҳлайман. Лекин "ПСЖ"га энг яхши тилакларимни тилайман. Умид қиламанки, бир кун келиб улар турнирда ғалаба қозона олишади. Лекин ҳозир эмас, чунки мен ўзим ғалаба қозонишни хоҳлайман", - деди Мбаппе CliqueTV телеканалига берган интервьюсида табассум билан.