Лондоннинг "Челси" клуби кейинги трансфер ойнасида жамоасининг ҳимоя чизиғини кучайтиришга тайёр. "Кўклар" раҳбарияти "Бенфика"нинг 22 ёшли иқтидорли ҳимоячиси учун ўз футболчиларидан бири билан хайрлашишга тайёр.
TEAMtalk хабарига кўра, "Челси" "Бенфика" марказий ҳимоячиси Томас Араухога қизиқиш билдирмоқда. Лондон клуби вакиллари аллақачон 22 ёшли португалияликнинг атрофидагилар билан боғланишган. Футболчининг трансфери учун курашаётган яна бир инглиз клуби "Ньюкасл"дир.
Томас Араухонинг "Бенфика" билан шартномасида товон пули 83 миллион фунт эканлиги кўрсатилган ва "Челси" унинг трансферини жиддий ўйламоқда.
Жорий мавсумда Томас Араухо “Бенфика” сафида барча мусобақаларда 15 та ўйинда майдонга тушиб, 1 та голли узатмани амалга оширди.
