Londonning "Chelsi" klubi keyingi transfer oynasida jamoasining himoya chizig‘ini kuchaytirishga tayyor. "Ko‘klar" rahbariyati "Benfika"ning 22 yoshli iqtidorli himoyachisi uchun o‘z futbolchilaridan biri bilan xayrlashishga tayyor.

TEAMtalk xabariga ko‘ra, "Chelsi" "Benfika" markaziy himoyachisi Tomas Arauxoga qiziqish bildirmoqda. London klubi vakillari allaqachon 22 yoshli portugaliyalikning atrofidagilar bilan bog‘lanishgan. Futbolchining transferi uchun kurashayotgan yana bir ingliz klubi "Nyukasl"dir.

Tomas Arauxoning "Benfika" bilan shartnomasida tovon puli 83 million funt ekanligi ko‘rsatilgan va "Chelsi" uning transferini jiddiy o‘ylamoqda.

Joriy mavsumda Tomas Arauxo “Benfika” safida barcha musobaqalarda 15 ta o‘yinda maydonga tushib, 1 ta golli uzatmani amalga oshirdi.