Франция чемпиони айни дамда қийин даврни бошдан кечирмоқда.
"ПСЖ" ҳозирда Чемпионлар лигасининг навбатдаги босқичини ўтказиб юбориш хавфи остида ва Лига 1да кетма-кет иккита дуранг ўйнади. Шунга қарамай, жамоа сардори Маркиньос ўз мураббийининг ишини юқори баҳолади.
"У жуда талабчан. Аниқ фалсафаси бор, унга ҳамма амал қилади. Ҳамма Энрикени яхши кўради ва Луис ўз футболчиларига жуда яқин. У билан тил топишиш осон", дейди жамоа сардори.
Эслатиб ўтамиз, “ПСЖ” Чемпионлар лигасидаги навбатдаги ўйинини 10 декабрь куни сафарда “Залцбург”га қарши ўтказади.
