"ПСЖ" вингери Бредли Баркола Чемпионлар лигаси доирасида "Ред Булл Зальцбург"га қарши ўйин олдидан журналистлар билан суҳбатлашди.
"Мен мураббийим ва жамоамга ишонаман. Бизда ажойиб таркиб бор. Биз катта ўйинларда нима қилишимиз ва қандай ҳаракат қилишимиз кераклигини биламиз, бунга тайёрмиз.
Чемпионлар лигасидан олган сабоқларим? Баъзида ўйин ўз қўлимизда бўлганда тажриба етишмаслигимиз бизни тушкунликка солади. "Атлетико" билан ўйинда биз кераксиз гол ўтказиб юбордик. Мен ўз устимда ишлаяпман, майдонда кўпроқ мулоқот қилишга ҳаракат қиляпман", - дея Барколя сўзларини келтиради УЕФА матбуот хизмати.
