"Манчестер Юнайтед" ўзининг академия битирувчиси, ҳужумчи Маркус Рэшфордни сотишга тайёр. Бу ҳақда таниқли журналист ва инсайдер Флориан Плеттенберг Х ижтимоий тармоғида хабар берди.

Манбага кўра, "иблислар" бу қишда Маркус бўйича таклифларга очиқ ва футболчини келаси ёзгача сотишни режалаштирмоқда. Қайд этилишича, Рэшфорд билан хайрлашиб, "Манчестер Юнайтед" унинг маошини тежайди, бу манкунианликлар клубига молиявий фейр-плей қоидаларига осонлик билан мослашиш имконини беради.

Жорий мавсумда 27 ёшли серқирра ҳужумчи барча турнирларда 23 та ўйинда майдонга тушиб, 7 та гол урди ва 3 та голли узатмани амалга оширди.