«Торино» «Эвертон» ҳужумчиси Бету Бетункалга қизиқиш билдирмоқда, дея хабар беради «Tuttomercato».

31 октябрдан бери итальян клуби 24 ноябрь куни «Монца» дарвозасига фақат битта гол уришга муваффақ бўлди. Шу сабабдан клуб раҳбарияти ҳужумни кучайтирмоқчи.

Манбага кўра, «Торино» устози Паоло Ваноли аниқ фикрларга эга ва бор эътиборни Бетуга қаратмоқчи. Ҳужумчи «Эвертон»ни тарк этиб, 2021-2023 йилларда «Удинезе» сафида 22 та гол урган Италияга қайтишга тайёр. Португалиялик футболчи трансферни январь ойида сўраган ва ижобий жавоб олган, шундан сўнг клуб уни сотувга қўйган.

«Торино» футболчини 15-20 миллион евро атрофида сотиб олиш имконияти билан ижарага олишни режалаштирмоқда.

Аввалроқ «Рома» ҳам Бетуга қизиқиш билдираётгани, уни Довбикка муқобил сифатида кўраётгани хабар қилинганди.

Жорий мавсумда 26 ёшли ҳужумчи инглиз клуби сафида 12 та ўйин ўтказиб, 4 та гол урди ва 1 та голли узатмани амалга оширди.