Мадриднинг “Реал” клуби “Ливерпуль” ярим ҳимоячиси Раян Гравенберхга қизиқиш билдирмоқда. Агар инглиз клуби нидерландиялик футболчини бой берса, унинг ҳамюрти Френки де Йонгни таклиф қилишга уриниб кўради.
Олдинроқ "Барселона" де Йонгнинг трансферига очиқ экани ҳақида маълумотлар пайдо бўлганди. 27 ёшли футболчини сотиш, Френкининг юқори маошини ҳисобга олсак, каталонияликларга молиявий ёрдам беради.
Transfermarkt портали Френки де Йонгни 60 миллион еврога баҳоламоқда. 2024/2025 йилги мавсумда футболчи 12 та ўйинда майдонга тушиб, битта гол урди ва шеригига битта голли узатма берди.
