"Арсенал" бош мураббийи Микель Артета "Монако"га қарши ўйин олдидан матбуотга ўз фикрларини билдириб ўтди.

"Монако" мени ҳайратда қолдиради. Уларнинг Чемпионлар лигаси ва Франция чемпионатида кучли рақибларга қарши қандай ўйнашига қаранг – бу уларнинг ҳақиқий хавф туғдираётганини кўрсатади. Бу юқори суръатни ўрнатадиган ва ҳимоядан ҳужумга яхши ўтишни биладиган яхши ташкил этилган жамоа, биз учун яхши синов.

Клублар ўртасидаги алоқа? Ҳа, тарихан бизни Тьерри Анри ва Арсен Венгер боғлаб туради. Бу ўзгача клуб, биз уларни ўз уйимизда кўрганимиздан хурсандмиз, аммо ғалаба бизники бўлишига умид қиламиз", - дея Артетанинг сўзларини келтиради УЕФА матбуот хизмати.