Ханси Флик тақиқ туфайли "Барса"ни "Атлетико"га қарши ўйинда бошқармайди.

"Барселона" бош мураббийи Ла Лиганинг "Бетис"га қарши ўйинида (2:2) каталонияликлар дарвозасига пеналти белгилаш ҳақидаги қарорига рози бўлмагани учун бош ҳакам Алехандро Мунис томонидан майдондан четлатилди. Немис мураббийи камида 2 ўйинга дисквалификация қилиниши мумкинлиги айтилганди.

Испания Қироллик футбол федерацияси тартиб-интизом қўмитаси Фликни икки ўйинга дисквалификация қилди. Шундай қилиб, у яқинлашиб келаётган Примера ўйинларида 15 декабрда "Леганес"га ва 21 декабрда "Атлетико"га қарши ўйинларда жамоани бошқара олмайди.