Сами Хедира Тони Крооснинг кетиши ва Килиан Мбаппенинг келишидан сўнг "Реал"нинг ўйинига баҳо берди.
"Реал" Кроосни соғинди, деб айтиш жуда осон. Май ойида Тони кетишини эълон қилди, вақтингиз бор эди.
Мен ёзда Каранка, Мойес ва бошқа мураббийлар билан Мадрид ҳақида гаплашдим ва биз ҳаммамиз бир масалада келишиб олдик: Крооснинг кетиши муаммосини Мбаппе билан шартнома имзолаш орқали тузатиб бўлмайди.
Ўйин услуби ўзгариши кераклигини ҳамма биларди, чунки Кроосни бошқа футболчи алмаштириб бўлмайди.
"Штутгарт"га қарши Чемпионлар лигасининг биринчи ўйинидаёқ улар тўп билан нима қилишни, қандай ҳимояланишни билмасликлари аниқ эди. "Барса" билан ўйинда биринчи бўлим яхши ўтди, аммо иккинчи бўлимда жамоада мувозанат бузилди. Мураббий жамоани мувозанатлаши, футболчилар учун энг яхши позицияларни топиши керак", - дейди “Реал”нинг собиқ ярим ҳимоячиси Хедира.
