Рубен Аморимнинг "Манчестер Юнайтед"га илк трансфери иқтидорли парагвайлик бўлиши мумкин. Журналист Сезар Луис Мерлонинг хабар беришича, "қизил иблислар" "Серро Портено" билан чап қанот ҳимоячиси Диего Леонни тахминан 4 миллион долларга сотиб олиш борасида келишиб олган.
Англия Премьер-лигаси клуби айни дамда бошқа масалалар, хусусан, футболчининг иқтисодий ҳуқуқлари борасида музокаралар олиб бормоқда. Леоннинг агенти ҳужжатларни расмийлаштириш учун аллақачон Англияга кетган.
Шу билан бирга, парагвайлик фақат апрель ойида 18 ёшга тўлади. Трансфер расмийлаштирилиши кутилмоқда, бироқ футболчи кейинги олти ойни "Серро Портено"да ўтказади.
