Кеча Россия Давлат Думаси "Россия Федерациясида ФИФА 2018 йилги жаҳон чемпионати, 2017 йилги ФИФА Конфедерациялар кубогини ўтказиш ва Россия Федерациясининг алоҳида қонун ҳужжатларига тегишли ўзгартириш ва қўшимчалар киритиш тўғрисида"ги қонун лойиҳасини учинчи ўқишдан сўнг қабул қилди, дея хабар тарқатган Спорт ишлари вазирлиги расмий сайти.

Ушбу қонун ФИФАнинг Россияда бўлиб ўтадиган бўлажак йирик мусобақаларига тайёргарликнинг ягона қонуний асосларини ишлаб чиқиш ва комплекс чора-тадбирлари дастурини амалга ошириш мақсадида ишлаб чиқилган. Қонун лойиҳасида ЖЧ-2018 ҳамда Конфедерациялар кубоги-2017 мусобақаларини ўтказиш даврида махсус ташкил этилган "Россия-2018" давлат қўмитасининг ваколат ва мажбуриятларини ҳам белгилаб берилган.