"Манчестер Сити" ярим ҳимоячиси Илкай Гюндоган "Ювентус"дан учралган мағлубиятдан сўнг (0:2) жамоада ўзига бўлган ишонч муаммоси борлиги ҳақида гапирди.
"Ишончми? Бу муҳим. Бизда психологик муаммо борлиги аниқ. Баъзида рақибларимиз энг оддий нарсалар билан ритмимизни бузишади. Улар ҳатто кўп иш қилишлари шарт эмас. Биз қўлимиздан келганича оддий ишларни қилишимиз керак, ўзимизга бўлган ишончни қайтаришимиз керак.
Ишлар нотўғри кетаётганини биламиз. Вазиятни ўзгартириш учун калитни топишимиз керак. Ҳозир ҳар бир футболчи ўз йўлимизга қайтишимиз учун қандай қилиб яхшироқ ўйнаш ҳақида ўйлаяпти", — деди Гюндоган.
