Пайшанба куни “Астана” ва “Челси” конференциялар лигасида баҳс олиб боради.

Лондонликлар саккиз соатлик парвозга дуч келишмоқда, аммо бу ягона муаммо эмас. "Аристократлар" ўзлари ўрганмаган ҳароратларда ўйнашлари керак бўлади.

Синоптиклар ўйин давомида термометр минус 11 даражани кўрсатишини тахмин қилмоқда. "Челси" ҳимоячиси Аксель Дисаси бу борада фикр билдирди.

"Биз икки жуфт қўлқоп кийиб, шундай шароитда ўйнашга тайёр бўлишимиз керак. Биз ҳаммамиз биламизки, бизда саккиз соатлик парвоз ва минус 11 даража ҳавода ўйин бор.

Самолётда вақт ўтказиш учун бир нечта фильмларни юклаб олишимиз керак. Биз курашишга тайёр бўлишимиз ва биринчи ўринни сақлаб қолишимиз керак", - дея Дисасининг сўзларини келтиради BBC.