Жамол Мусиала Германияда 2024 йилнинг энг яхши футболчиси деб топилди.

21 ёшли ярим ҳимоячи мухлисларнинг 56% овозига эга бўлиб, Флориан Виртц (38%) ва Кай Хавертцни (6%) ортда қолдирди. Терма жамоа мухлислар клуби билан биргаликда жамоанинг «Instagram»даги саҳифасида ўтказилган овоз беришда жами 145 мингга яқин фойдаланувчи иштирок этди.

«Бавария» футболчиси 2022 йилда биринчи марта бу совринни қўлга киритганди, энди у иккинчи марта ушбу номга сазовор бўлди. 2023 йилда Эмре Жан энг яхши футболчи сифатида эътироф этилди.

Мусиала Евро-2024 тўпурари бўлди ва турнирнинг рамзий терма жамоасига киритилди. 13 учрашувда у 5 та гол урди ва 5 та голли узатмани амалга оширди.