Украина ёшлар терма жамоаси дарвозабони Владислав Крапивцов фаолиятини Испания чемпионатида давом эттиради. Футболчи "Жирона"га кўчиб ўтди.
Крапивцов жамоага эркин агент сифатида келиб қўшилди. Томонлар 2029 йилнинг ўрталаригача амал қиладиган узоқ муддатли меҳнат шартномасини туздилар. Испания чемпионатининг жорий мавсумида “Жирона” 16 та ўйин ўтказди. Каталония жамоаси ҳисобида 22 очко бор ва Ла Лига турнир жадвалида 9-ўринда бормоқда. Кейинги турда “Жирона” сафарда “Мальорка” билан учрашади. Ўйин 14 декабрь, шанба куни бўлиб ўтади.