"Челси" футболчиси Чезаре Казадеи қишки трансфер ойнасида Италияга қайтиши мумкин.

21 ёшли футболчи камдан-кам ҳолларда "кўклар" сафида ўйнайди ва тез орада ижарага юборилиши мумкин. Журналист Низаар Кинселла хабарига кўра, ярим ҳимоячи Италиянинг "Монца" клуби билан музокаралар олиб бормоқда. А Серия клуби футболчини трансфер ойнаси очилган январь ойидаёқ ватанига қайтаришга умид қилмоқда.

Чезаре Казадеи ушбу мавсумда "Челси"нинг барча мусобақаларида бешта ўйинда майдонга тушди, аммо Англия Премьер-лигасида бирорта ҳам ўйин ўтказмади.