"Манчестер Юнайтед"нинг собиқ футболчиси Патрис Эвра Криштиану Роналду "ПСЖ"га ўтиши мумкинмиди, деган саволга жавоб берди.

"Криштиану қачондир "ПСЖ"га ўтишни хоҳлаганми? Ҳа. Унга қизиққанлар орасида "ПСЖ", "Арсенал" бор эди... Бу "Ювентус" билан шартнома имзолашдан олдин эди. Унда "Челси", "Ювентус", "ПСЖ" клубларидан таклифлар бор эди. Португалиялик футболчи ҳеч қачон "Арсенал"га ўтмаслигини айтди. У Париж лойиҳаси билан қизиқди. Сиз Криштиануни танқид қилишингиз мумкин, лекин у мослашарди. У кучини сарфларди. Саудия Арабистонида нима қилаётганига қаранг. У саудиялик!" - деди Эвра.

Премер-лигада Криштиану Роналду фақатгина "Манчестер Юнайтед" шарафини ҳимоя қилди. Португалиялик футболчи “қизил иблислар” сафида 346 та ўйин ўтказиб, 145 та гол урган ва 64 та голли узатмани амалга оширган.