"Ман Сити" бош мураббийи Пеп Гвардиола жамоасидаги вазият ҳақида гапирди. У "шаҳарликлар" инқирозга юз тутганини тан олди. Бироқ испанияликнинг таъкидлашича, бу барча клубларда содир бўлади.
"Ҳозирда бир нечта ёмон ойларни бошдан кечирмайдиган мураббийлар, футболчилар ва жамоалар йўқ. Бу содир бўлади. Биз буни қабул қилишимиз керак. Бу ҳаёт. Ҳаёт доим сиз хоҳлагандек кетавермайди. "Манчестер Сити" инқироздан чиқиб кета оладими? Билмайман. Қийинчиликларни енгиб ўтишимизга чин дилдан ишонаман. Биз барқарорликни топишимиз керак", - деди Гвардиола.
"Манчестер Сити" ҳозирда АПЛ турнир жадвалида 4-ўринда бормоқда. Пешқадам “Ливерпул”дан фарқ 8 очкони ташкил этади.
