"Реал Сосьедад" ва Испания терма жамоасининг асосий ярим ҳимоячиси Мартин Субименди Англия Премьер-лигасининг топ-клубларидан бирига ўтишга тайёр.
Нуфузли The Times нашри хабарига кўра, аввалроқ "Реал Сосьедад"да ўйнашни давом эттириш учун "Ливерпуль" таклифини рад этган Мартин Субименди энди трансферга тайёр. Инглиз топ-клублари яқин орада 25 ёшли испаниялик ярим ҳимоячига дастлабки таклифларини беришга тайёр.
Мартин Субименди жорий мавсумда “Реал Сосьедад” сафида 20 та ўйинда майдонга тушиб, 1 та гол урди ва 2 та голли узатмани амалга оширди.
