"Реал Мадрид" бош мураббийи Карло Анчелотти Килиан Мбаппенинг ушбу мавсумда тез-тез дуч келадиган соғлиғи билан боғлиқ муаммолар ҳақидаги саволга жавоб берди.
"Буни айтиш мен учун қийин, жуда қийин. Сўнгги икки танаффусда шу ерда қолди, яхши ишлади ва дам олди. Сўнгги пайтларда унинг ўйини сезиларли даражада яхшилангани аниқ эди. Яхшиямки, бу узоқ муддатли жароҳат эмас. Шундай экан, у ўзининг спорт ритмини йўқотмайди", - деди Анчелотти матбуот анжуманида.
14 декабрь, шанба куни “Реал” Испания чемпионати доирасида сафарда “Райо Вальекано”га қарши ўйин ўтказади. Мбаппе белидаги муаммолар туфайли ўйинни ўтказиб юбориши аниқ.
