Тео Эрнандес "Милан" сафида "Женоа"га қарши ўйинда захирада қолади.
"Милан" клуби бош мураббийи Паулу Фонсека франциялик футболчини А Серия ўйинида жамоанинг асосий таркибига киритмаслиги кутилмоқда.
Ўйинолди машғулот вақтида 21 ёшли Филиппо Террачиано чап қанот ҳимоячиси сифатида ўйнашга тайёргарлик кўраётганди.
Фонсека шунингдек, Давиде Бартезаги ёки Алекс Хименес каби футболчиларни майдонга туширишни ҳам кўриб чиқиши мумкин.
"Црвена Звезда"га қарши (2:1) Чемпионлар лигасидаги сўнгги ўйиндан сўнг Фонсека жамоанинг фидойилигидан норози эди.
Тео Эрнандес жорий мавсум А Серияда 12 та ўйинда майдонга тушиб, 2 та гол урди ва 2 та голли узатмани амалга оширди.
