Нидерландия терма жамоасининг собиқ футболчиси Данни Блинд "Реал" ҳужумчиси Винисиус Жуниорнинг хатти-ҳаракати ҳақида гапирди.
Бразилиялик футболчи бугун "Райо Валекано"га қарши ўйинда (3:3) захирадан майдонга тушиб, сариқ карточка олди. "Қаймоқранглилар" ҳужумчиси Ла Лигада бешта огоҳлантириш лимитига етгани учун кейинги турда "Севилья" билан баҳсда қатнаша олмайди.
"Винисиус сафар ўйинларида кўп нарсаларга, шу жумладан ирқчиликка ҳам чидашга мажбур. Лекин гап унинг феъл-атворида ҳам. У ўзини бундай тутмаслиги керак - бунга ҳожат йўқ.
Бу ирқчиликни оқламайди, лекин у ҳар бир вазиятга бундай кескин муносабатда бўлиш билан ўзини яхшиламайди. Ҳа, у қандай бўлса, шундай, лекин баъзида бу унчалик яхши эмас," - дея Блинднинг сўзларини келтиради TheEuropeanLad.
