"Манчестер Сити" бош мураббийи Хосеп Гвардиола жорий мавсум давомида шартномани узайтириш қарорини нотўғри деб ҳисобламаслигини айтди.
Испанияликнинг "шаҳарликлар" билан шартномаси 2025 йилнинг ёзида тугаши керак эди, бироқ ноябрь ойида томонлар 2027 йилгача мўлжалланган янги келишувни имзоладилар.
"Афсуслар ҳар қачонгидан ҳам камроқ. Агар шундай вазиятда кетишга қарор қилсам, афсусланган бўлардим. Мен хотиржам ухлай олмасдим. Кетганимда ҳозиргидан ҳам ёмонроқ ухлаган бўлардим. Мени ишдан бўшатишлари мумкин, лекин шундай шароитда клубдан ўзим кетишим керакми? Ҳеч қачон! Йўқ, йўқ, йўқ," - деди Гвардиола.
