Эдуардо Итурральде Гонсалес Винисиус Жуниор иштирокидаги эпизодларга баҳо берди.
Ла Лиганинг 17-туридан ўрин олган ўйинда “Реал” вингери дастлаб ҳакамнинг “Райо Вальекано” футболчисини огоҳлантирмаганидан норози бўлгани учун сариқ карточка олди, орадан икки дақиқа ўтиб рақиб жарима майдончаси ичида йиқилди – пенальти белгиланмади. Ўйин 3:3 ҳисобида якунланди.
«Пенальти аниқ эди, ВАР ҳакамни огоҳлантириши керак эди. Аммо Винисиус ўша вақтгача (Хуан Мартинес Мунуеранинг қарорига қаттиқ муносабат билдиргани учун) четлатилиши керак эди.
Беллингемнинг оёғи ҳакамни чалғитиб қолди. "Райо" футболчиси тўпни тепмоқчи бўлди, лекин Винисиусни беҳосдан йиқитиб юборди", - дея қайд этди собиқ ҳакам.
