Якшанба куни «Вулверхэмптон» Гари О'Нилни бош мураббий лавозимидан бўшатишини эълон қилди. «The Athletic» журналисти Девид Орнштейннинг ижтимоий тармоқларда хабар беришича, Англия Премьер-лигаси клуби Витор Перейрани жамоа бош мураббийи этиб тайинлаш устида ишламоқда.
Гап ҳозирда «Аш-Шабаб» клубида ишлаётган 56 ёшли мутахассис ҳақида кетмоқда. «Вулверхэмптон» саудияликларга Перейранинг шартномасида кўрсатилган товон пулини тўлашга тайёр. Португалияликнинг ўзи ҳам Англияга кўчиб ўтмоқчи.
Виктор Перейра бунгача турли мамлакатларда кўплаб жамоаларни бошқарган. Улар орасида «Порту», «Олимпиакос», «Шанхай СИПГ» ва «Фламенго» бор.
