«Манчестер Юнайтед» ярим ҳимоячиси Мэйсон Маунт «Манчестер Сити»га қарши АПЛ 16-тур учрашувида жароҳат олди.

Учрашувнинг 14-дақиқасида инглиз футболчиси жароҳат олиб, майдонни тарк этишга мажбур бўлди. Унинг ўрнига Кобби Майну майдонга тушди.

Маунтнинг бундан аввалги сўнгги асосий таркибда майдонга тушган ўйини 14-турда «Арсенал»га қарши ўйин (0:2) бўлганди. Бунгача у жароҳати сабаб Премьер-лиганинг 9 учрашувини ўтказиб юборганди.

Англия чемпионатининг жорий мавсумида Маунт 6 та ўйин ўтказди (223 дақиқа), самарали ҳаракатлар қайд этмади.