"Манчестер Сити" АПЛ доирасидаги сўнгги 7 учрашувнинг фақат биттасида ғалаба қозонган.
Бугун Пеп Гвардиола шогирдлари 16-тур доирасидаги ўз уйида "Манчестер Юнайтед"га 88 ва 90-дақиқаларда гол ўтказиб юбориб, мағлуб бўлишди (1:2).
"Манчестер Сити" АПЛдаги сўнгги 7 ўйиннинг 5 тасида мағлуб бўлди. Бу даврда "шаҳарликлар" "Ноттингем Форест"ни мағлуб этди (3:0), "Кристал Пэлас" билан дуранг ўйнади (2:2).
16-турдан сўнг, "Манчестер Сити" АПЛ турнир жадвалида 5-ўринда бормоқда ва пешқадам "Ливерпуль"дан 9 очкога ортда қолмоқда, мерсисайдликларда эса бир захира ўйини бор. Кейинги турда "шаҳарликлар" "Астон Вилла"га қарши баҳс олиб боради.













