"Ювентус" билан шартномасини бекор қилган Поль Погба эркин агент сифатида қолмоқда. Франциялик ярим ҳимоячи фаол равишда янги клуб изламоқда, бироқ футболчи ўзининг энг яхши формасига қайтиш учун биринчи навбатда машғулот ўтказиши мумкин бўлган жамоа топишга эътибор қаратган.

Tuttomercatoweb хабар беришича, Погба "Галатасарой" билан машғулотларга қизиқиш билдирган. Футболчининг агентлари аллақачон Истанбул клуби раҳбарияти билан алоқага чиққан.

Погба допинг дисквалификацияси туфайли 2025 йилнинг мартигача бирор клуб билан расман шартнома имзолай олмайди.