“Челси” клуби ярим ҳимоячиси Михаило Мудрик допинг-тести ижобий натижа бергани учун 4 йилга дисквалификация қилиниши мумкин.
Мудрик октябрь ойида допинг-тестдан ижобий ўтгани аввалроқ хабар қилинганди. Футболчининг “А” намунасида тақиқланган модда топилди. “Б” намунаси яқин кунларда текширилиши кутилмоқда.
Мудрик Лондон клубида 2023 йилдан буён ўйнаб келмоқда. Унинг "Челси" билан шартномаси 2031 йилгача мўлжалланган. Футболчининг трансфер қиймати 30 миллион еврога баҳоланмоқда.
Жорий мавсумда ярим ҳимоячи барча мусобақаларда 15 та учрашувда қатнашиб, 3 та гол ва 5 та голли узатмани амалга оширди.
