2034 йилда Саудия Арабистонида бўлиб ўтадиган футбол бўйича жаҳон чемпионати вақтида мухлисларга стадионларда спиртли ичимликлар ичиш тақиқланади.
Манбага кўра, Халқаро футбол федерацияси (ФИФА) мусобақа ташкилий қўмитаси билан турнир ўйинларида маҳаллий қонунчиликни бузган ҳолда пиво сотиш имкониятини муҳокама қилмоқчи эмас.
ФИФА Қатарда бўлиб ўтган 2022 йилги жаҳон чемпионати вақтида юзага келган вазиятдан хулоса чиқарди. Ўшанда ташкилот пиво сотиш ҳуқуқини қўлга киритишга муваффақ бўлди, аммо турнир бошланишига икки кун қолганда, ҳукмрон Ал-Тани оиласи босими остида рухсатнома бекор қилинди. Натижада ФИФА пиво ишлаб чиқарувчи компанияга тахминан 40 миллион фунт стерлинг миқдорида товон тўлади.
