"Бавария" ва Германия терма жамоасининг 21 ёшли ярим ҳимоячиси Жамол Мусиала "Интер Майами" сафида ўйнаётган аргентиналик ҳужумчи Лионель Мессини ўзининг севимли футболчиси деб эътироф этди.
"Болалигимда футболкамнинг орқа томонида деярли ҳар доим Месси исми ёзилган бўларди. Менга Неймар номи туширилган футболка ҳам бор эди, лекин Месси менинг қаҳрамоним, севимли ўйинчим эди!" - деди Мусиала.
Жорий мавсумда Мусиала барча мусобақаларда 21 та ўйинда иштирок этиб, 12 та гол урди ва 5 та голли узатма берди.
