Михаил Мудрик допинг-тестдан ижобий ўтиб, футболдан четлаштирилди. "Челси" бош мураббийи Энсо Мареска украиналикларнинг аҳволи ҳақида фикр билдирди.
"Бу содир бўлганда, ҳар бир киши ёрдамга муҳтож бўлади. Футболчи 20 ёшдами ёки 30 ёшдами фарқи йўқ. У инглизми, италянми ёки украинми фарқи йўқ, ҳамма қўллаб-қувватлашга муҳтож. Гап футболчи, унинг ёши ёки мамлакати ҳақида эмас.
Бу янгиликдан барчамиз бир хил фикрда эдик. Барча ўйинчилар ҳайрон бўлишди, лекин айни пайтда хафа ҳам бўлишди. Бизга бу нарсалар ёқмайди. Менимча, шундай дамда бутун жамоа Михаилнинг ёнида бўлиши ва уни қўллаб-қувватлаши муҳим", — деди Мареска журналистларга.
